*** ســـَـــــلى صــــــــِـــــــــيامك **\ 2022*

[جمال عمران]

❤❤❤كل عام وانتم بخير❤❤❤
.......
ومع أول مواقف رمضان.
الصبح قلت لنفسي (ياواد) روح هات عيش، وشوية حاجات.
ركبت الميكروباص،، الوجوم يعلو الوجوه، وكأن صرامة الملامح من علامات الصيام..
عند مفترق طرق كاد الميكروباص يصطدم بسيارة ملاكى تقودها سيدة.. أو كادت سيارتها تصطدم بالميكروباص..
بمجرد ان تفادى السائق الحادث انفجر...
آدى أخرة سواقة (النسوان).. تلاقيها عربية جوزها ولا أبوها اشتراهالها.. ماهى لو دافعة فيها فلوس كانت احترمت نفسها ومشيت عدِل... عالم ولاد كلب.... اللهم انى صايم.
تحدث أحد الركاب محاولا مشاركته الحديث للتهدئة..
معلش ياأسطى الستات بيبقوا سايقين وهما خايفين.. معلش، جت سليمة.
السائق.. محتداً.. أصلك انت راكب وخلاص متعرفش اللى بيسببه لينا العالم اللى زى الولية دى.
واستمر السائق فى انفعاله وتوجيه الشتائم لقائدة السيارة التى بالتأكيد وصلت مشوارها على خير.. وكلما زاد فى انفعاله عاد ليقول اللهم انى صايم.
تعجبت.. فنحن مازلنا فى العاشرة صباحا... فكيف يتكلم السائق وكأنه صائم منذ عشربن ساعة مثلا؟
...
المهم.. وصلنا.. واشتريت العيش.. وطماطم وخيار وجرجير وليمون ودورق بلاستيك ومصفاة سلك.. وقررت الرجوع الى البيت... فى موقف الميكروباص سألت عن السيارة المتجهة الى حيث، أقطن.. قال أحدهم... الميكروباص اللى عليه الدور هناك أهو...
ذهبت وجلست على آخر كرسي، موجود وبركوبى امتلأ الميكروباص وينقصه الانطلاق..
أين السائق؟ قالوا لنا انه داخل هذه الخيمة... تبرعت بالذهاب.. لأجد نفس السائق بتاع الصبح وأمامه بقايا السندوتشات وفى يده الشيشة ويده الأخرى ترفع الى فمه كوب الشاى...
..... .
رمضان كريم.... وتستمر الفضفضة فشاركونا.

[قصي المحمود]

ممتع أنت في نقل ارهاصات الشارع
استمتعت وكأني معاك جالس جنبك
بداية رائعة
اللهم أني صائم!!!!( للفرشة قليلا وتاكيدا لعبارات السائق هههههه)
اضحك الله سنك صديقي

[جمال عمران]

ممتع أنت في نقل ارهاصات الشارع
استمتعت وكأني معاك جالس جنبك
بداية رائعة
اللهم أني صائم!!!!( للفرشة قليلا وتاكيدا لعبارات السائق هههههه)
اضحك الله سنك صديقي

شكرآ لك الاستاذ قصي.. ورمضان كريم.
تستمر الفضفضة بإذن الله.
مودتى

[جمال عمران]

وتانى يوم فى رمضان بعد الفطار والذى منه... قلت لنفسي (لما أجرى على الخيمة الرمضانية) ألحق السؤال التانى بتاع عمنا قصى... دخلت فلم أجد السؤال التانى.. قلت ياواد استنى كمان شوية... واستنيت.
جتلى فكرة قلت أكتبها والشيطان لعب بعقلى.. الفكرة انه لو تأخر صاحب الموضوع فى طرح السؤال أعتبر أنا جاوبته من غير مايكتبه،، ومن غير ماأرد.. ودى قصاد دى.. يتأخر يبقي أنا اللى أكسب.. وقلت كل يوم أاجى بدرى ويكون لسه الحاج قصى بيفطر.. أثبت حالة حضور... ويبقي هو اللى إتأخر ويتحسبلى اجابة..
وقعد الشيطان يوسوس للعبد لله.. فى الآخر.. استعذت بالله منه... وقلت المسامح كريم وخلينى مستنى..
....

[قصي المحمود]

وتانى يوم فى رمضان بعد الفطار والذى منه... قلت لنفسي (لما أجرى على الخيمة الرمضانية) ألحق السؤال التانى بتاع عمنا قصى... دخلت فلم أجد السؤال التانى.. قلت ياواد استنى كمان شوية... واستنيت.
جتلى فكرة قلت أكتبها والشيطان لعب بعقلى.. الفكرة انه لو تأخر صاحب الموضوع فى طرح السؤال أعتبر أنا جاوبته من غير مايكتبه،، ومن غير ماأرد.. ودى قصاد دى.. يتأخر يبقي أنا اللى أكسب.. وقلت كل يوم أاجى بدرى ويكون لسه الحاج قصى بيفطر.. أثبت حالة حضور... ويبقي هو اللى إتأخر ويتحسبلى اجابة..
وقعد الشيطان يوسوس للعبد لله.. فى الآخر.. استعذت بالله منه... وقلت المسامح كريم وخلينى مستنى..
....

كم أنت رائع أخي سي جمال
عادة بعد الفطور تكون رحلة استرخاء أو وجود ضيوف عندنا كما حدث اليوم معي (أصلي كبير العيلة) وليس عائلتي فقط
وتلك مهمة تهلك الجيب!! ولكن الحمد لله بعون الله قادرين عليها
يا عمي أبعد الله الشيطان عنك...أذهب ستجد السؤال الثاني
محبتي وتحياتي

[أمينة محمد موسى]

اجابات موفقة استاذ جمال ؛؛

[منى كمال]

نبارك لكم استاذ جمال انطاق فكرتكم الجميلة وكل عام وانتم بخير ورمضان كريم

[جمال عمران]

كم أنت رائع أخي سي جمال
عادة بعد الفطور تكون رحلة استرخاء أو وجود ضيوف عندنا كما حدث اليوم معي (أصلي كبير العيلة) وليس عائلتي فقط
وتلك مهمة تهلك الجيب!! ولكن الحمد لله بعون الله قادرين عليها
يا عمي أبعد الله الشيطان عنك...أذهب ستجد السؤال الثاني
محبتي وتحياتي

مرحبا الاستاذ قصي
هى مداخلة للمزاح ياغالى.
❤❤❤كل عام وانتم بخير❤❤❤
ودمت كبير عائلة وعالى القيمة والمقام

[جمال عمران]

امبارح وبعد الفطار والذى منه.. اتقلبت الدنيا فى البيت.. كركبة وخبط وصوانى ودقيق وسمنة وخلاط وبيض وفانيليا وحاجات ماليها آخر....
ايه يابنات خير؟؟
هنعمل زلابية وبلح الشام يابا.
طيب ماأنا مشترى حلويات وزلابية وقطايف.
ده غير ده يابا.. استنى بس وهندوقك أحلى حلويات.
وبدأن فى التجهيز والعمل وماهى الا دقائق وعلت الأصوات،، واختلفت الأفكار.. ثم تحول الأمر الى مايشبه الحرب.. وكل واحدة تريد اضافة ما او طريقة او فكرة. وكل منهن تدافع عن طريقتها والتى جاءت بها من على النت.
وكلما قمن بعمل خطوة كلما اشتد الخلاف وعلا الصراخ..وكل منهن تريد العمل بطريقتها..
الغريب ان الحاجة الكبيرة تدخلت وقالت انها الأكثر خبرة فى عمل الزلابية وبلح الشام فعايرنها بالعام الماضى حيث عملت زلابية وبلح شام كان مصيره أن لم يعجب أحدا فرموه للقطط وعافته القطط بالطبع..
وهنا اختلطت الصرخات.. و جاءتنى الحاجة فى غرفتى وأنا بكتب فى الفينيق..
قاعد بتكتب والبنات ماسكين فى شعور بعض...
قلت وانا مالى.. المطبخ بتاعكو وانا فى الآخر ليا آكل الحلويات..
وماهى الا لحظات أخرى ووصلنى صوت خبط ورقع وحلل وطاسات و.... البنات أشعلوا حربا.
قمت اليهن....
لا أريد ان أفسد فرحتكن بأول يوم رمضان.. لكن مادام. الأمر وصل الى الاشتباك بأدوات المطبخ فاسمحوا لى باستخدام النووى... ولميت الدقيق والعجين وكل حاجة كانوا محضرينها ورميت كله من الدور الخامس.. و...
رمضان كريم

[جمال عمران]

نبارك لكم استاذ جمال انطاق فكرتكم الجميلة وكل عام وانتم بخير ورمضان كريم

مرحبا الاستاذه منى كمال.. الرائعة المبدعة.
❤❤❤كل عام وانتم بخير❤❤❤
رمضان كريم